B.7.34:

l]eisbur'ebal[ / bakas'ketéi : ur'es' / tinir' : baiteskike : * / norobor' : atinbur' / ikei : kules'ker'e : / bastike : leisir : bilos / tibas' : tikirsbin : / botuor'is' : bas'bin : bokals' /or : atine : beles'bas'* / ar'sbin : kanbuloike / bakasketéi : kisker'bon : / es'ur'es'unir' : /selkibor'as'alkitei / ke : kanbuloilereuti / nir' : bekor'toisabe / lir' : téteiarika[ne] / abelkir'tika : ntéteia / rikane : baiteskike : kul / es'ker'e : iltir's'ar / ] atinker'e : abon a[ti] /nbin : litur'is' : uas'ti / s'o : toilakoni : basti / r'alas'bur' : m'ino : abo / nike

B.7.35:

kules'bur'ke / nisor'bateike* / kilekar'kelor' / sur'sebetika : baite / ser'tinke : kuleske / r'ekekules'iri / kelekar'kelor' / sur'abetikabaite / sbitiskeis : bans'or / iltir'tiker' : bilos / tibas'ibeisur : bil / ostikis : iltir's'ar : ]m'inm'bailtir'kis' / ]tur's'iltir'

C.0.1: kor'asir'en: eI / ner'seor'tinika : eII / kaisur'anar'ika : II

C.0.3:

text A) s'alaiar'kistenai / ar'ikaletesui : lakuiltum : ka : tasinbai[ ]tibani[ /

s'alaiar'kiste : ikar'ar'ikalereia[ ]te : s'alaia[ ]tin

text B) s'alaia / r'kiste : ber'kebes'a : ar'i / kaler : eianir' : ar'ikale : etesur : tikirsur : akiar'ko : / torsinker'e

C.1.24:

text A) ]tin : iunstir : tautikote : katu[ / ]tienbanitir'an : biur'tikise[ /

ber'isetitiatin : nikokatiar'ibai / tur'kosbebon : uskar'e : tieka : ultitikir[ /

ir'kubas'ka : bintur'keska : aitutikerka / batibo : tir'akisukika : itikotesun : koronka /tinkar' : sitir'kar'kan : nikokaiatai / is : ber'teike : itur'utan : lebosbaibon[ / batir'akar'iter'ibon

text B) s'alir : i[ ]ata[ ]r : banter'a / n : tinebetan : banitir'kata / salaker : itir'oketebon : ir'i /ka : iunstirika : sikite : basir'

text C) katulatien

C.17.1

text A) ]tinbas'teer'oke / bartas'toloriltursu**

text B) tortonbalar'biter'oka**

F.7.1:

text A) iunstir : beles'air' : kar'kos'kar : bastaibaitieba : balkelakos'ka : bitetui : bar* / iunstir : ekiartone : beles'tar : senm'run : etesilir : iunstir : etetur[

F.9.3:

biur'tiki : tuskitar : / a I o IIII : beles'ker'eto /r'osair : baitesir / kaes'akim[

F.9.5:

ir'e : bototas' : bitebakir's'bane : bar'enm'liki : antinm'litutur'ane : ar'ikar' : seken/ iusu :: atilebeiu : laur'isker'kate : banm'lir'baitur'ane : kaisanm'lir'baitur'a : nei /tailinir'e : kutur : biter'oketetine : er'atiar'e : kokor : tauebartiate : ar'ikar'binm'likise ::/

iunstirlaku : bototas'eai : selkeaibartuneai : unibeikeai : aner'ai : unibeikeai : iu /nstirlaku : uskeike : bototiki : keietisiatense : us'talarilune : banm'ir'es'u[-/ lu : bitir'okebetense : us'keaner'lati

F.11.25:

arskor'oitenis'uniar

F.17.2:

Text A) sakar'atinte : ius'tir : bar'binke : bantakon : atu*[ / tar'ati : ultitar : setalikean : tes'ibiterukan : [ /bas'uikan : bakaram'i : sekebiterosan : s'us'u[ /s : atun : bitirebabos'in : inem'uki : (?)tibabir'bete

text b) betukinete : ius'tir : atur'te

F.21.1 (text A):

bekoiiltun / soribeis: / ur'kar'ailur : / tueitikeiltun : / ikor'isker' : otoiltir': / selkisker' : / otokeiltir' : / iskeiltun : / selkim'iltun :

G.1.1: (Greek-Iberian)

text A): ir'ike : orti : gar'okan : dadula : bas'k / buistiner : bagar'ok : SSSXC : tur'lbai / lur'a : legus'egik : baser'okeiunbaida : / ur'ke : basbidir'bartin : ir'ike : baser' / okar : tebind : belagas'ikaur' : isbin / ai : asgandis : tagis gar'ok : binike / bin : s'alir : kidei : gaibigait : /

text A2): sakar'isker' / arnai :

text B): iunstir : s'alirg : basir'tir' : sabar'i / dai . birinar' : gur's' : bois'tingis'did : / ses'ger's'dur'an : sesdir'gadedin : / ser'aikala : naltinge : bidudedin . ildu / nir'aenai : bekor' : sebagedir'an :

G.1.6: Alcoy.

Text A) sakalakuka : a I : o I ki I /sikebones'ka : o IIII kí I

Text B) sakalakuka : e : kibaskitar : o IIIIII : ki II /o IIIIIIII / ki I ki II / a IIIIII

Castellet de Bernabé

baser : arskobor' : eukilu / sukur'ba : bitetean / ekar'babitiboan

Tivissa

us'talar : ortinber'eter'eikiar' / s'alaiar'kister'okan : s'alir O III : / neitiniunstir : aiunikur'skate